Të shtënat te konsullata në Turqi: Një sulmues i vdekur, dy të tjerë “të neutralizuar”

Guvernatori i Stambollit, Davut Gul, ka njoftuar se njëri nga sulmuesit është vrarë dhe dy të tjerë janë “neutralizuar”.

“Një sulm ka ndodhur kundër forcës sonë policore. Dy nga oficerët tanë të policisë u plagosën. Një nga terroristët u vra dhe dy të tjerë u neutralizuan me lëndime”, tha ai, shkruan BBC.

“Ky sulm i madh u kapërcye me dëme materiale falë masave paraprake të marra nga policia jonë”, shtoi guvernatori.

Po ashtu, Ministria e brendshme e Turqisë ka identifikuar tre personat e armatosur të përfshirë në të shtënat pranë konsullatës izraelite në Stamboll.

Në një deklaratë në X, të përkthyer nga turqishtja, Ministria e emëron personin e armatosur të vrarë si Yunus E.S, pa dhënë detaje të mëtejshme. Ajo thotë se ai ishte “i lidhur me organizatën terroriste që shfrytëzon fenë”.

Dy sulmuesit e plagosur, Ministria i ka identifikuar si Onur Ç dhe Enes Ç, të cilët raportohet se janë vëllezër.

Dy oficerët e policisë të plagosur në të shtënat nuk janë në gjendje kërcënuese për jetën, shton deklarata, me një të shtënë në këmbë dhe tjetrën në vesh.