Arbeloa jep kushtrimi

Në konferencën për shtyp, trajneri i Real Madridit, Alvaro Arbeloa, i dërgoi një mesazh të qartë ekipit për sfidat vendimtare kundër Girona dhe Bayern Munich, duke theksuar se çdo lojtar duhet të jetë gati të japë maksimumin:

“Nuk bëhet fjalë vetëm për Mbappé; dua lojtarë që dëshirojnë të jenë pjesë e Real Madridit çdo ditë. Këtu është thelbësore të dish të tejkalosh vetveten, përtej talentit dhe cilësisë”.

Ai rikujtoi rëndësinë e profesionalizmit të vazhdueshëm: “Nuk mund të luash çdo ditë në çerekfinale të Champions-it apo ndeshje me motivim maksimal; këtu hyn në lojë auto-disiplina, diçka që shkon përtej dhuratave natyrore të lojtarëve”.

Duke folur për sfidën e kampionatit, Arbeloa kërkoi nga lojtarët e tij të tregojnë të njëjtin shpirt si në sfidat europiane:

“Dua që lojtarët e mi të ndihen të detyruar të shkëlqejnë që nga ndeshja e radhës kundër Girona. Motivimi i tyre duhet të jetë maksimal, të japin versionin absolut të vetes”.

Pas ndeshjes me Girona, “Los Blancos” synojnë të përmbysin rezultatin ndaj Bayern Munich, pas humbjes 2-1 në ndeshjen e parë çerekfinale të Champions League.