Media zvicerane shkruan për situatën e Bledian Krasniqit:

FC Zurich aktualisht po zhvillon sezonin e dytë më të dobët në historinë e tij në Superligën e Zvicrës, ndërsa golashënuesi më i mirë i sezonit të kaluar, Bledian Krasniqi, po mbetet në tribunë. 

“Trajneri i FC Zurich, Dennis Hediger, nuk arrin ta shpjegojë plotësisht këtë situatë”, shkruan mediumi zviceran “Blick”.

Ndërsa beteja e madhe për mbijetesë mes FC Winterthur dhe Grasshopper Zürich është gjithnjë e më e ashpër, Zürich ka mundësinë që të largohet nga zona e rrezikut të shtunën në mbrëmje.

Nëse trajneri i FC Zurich do të preferonte një derbi qyteti me Grashoppersin apo një derbi kantonal me Winterthur sezonin e ardhshëm, ai nuk dëshiron ta zbulojë.

“Do të ishte pothuajse mungesë respekti të dëshirosh rënien e një skuadre. Nuk jam zgjedhës”, ka thënë ai.
Çfarë ka bërë lojtari i Zürich-ut, Bledian Krasniqi (24 vjeç), që nuk është përfshirë as në listën e ekipit prej javësh?

Trajneri i FC Zurich, tha: “Një lojtar me cilësitë e tij mund të kishte shumë, shumë më tepër pikë, kjo është e qartë”, - ka thënë Hediger.

Pra, golashënuesi më i mirë i FC Zurich nga sezoni i kaluar ka shumë pak pikë me vetëm shtatë? Kjo në fakt duhet të vlejë për të gjithë ekipin e FC Zurich këtë sezon. Krasniqi nuk ka bërë asgjë gabim.

“Bledi është korrekt në kohë,

Bledi është shembullor,

Bledi jep maksimumin, por rezultati nuk ishte aty”,- ka thënë Hediger.

Për më tepër, konkurrenca aktualisht është para tij, për shembull, Valon Berisha, i cili ka vetëm dy pikë.

“Po ju them sinqerisht, nuk do të duhej të humbnim asnjë ndeshje”, - ka shtuar Hediger, duke iu referuar humbjeve të javëve të fundit.

Kjo ndodh edhe pse të dhëna të ndryshme tregojnë se FC Zurich vazhdon të jetë në një trend të qartë rënës.

“Çdokush është i lirë të mbledhë të dhëna dhe t’i paraqesë sipas mënyrës së vet”, - ka përfunduar ai.