Ky mund të jetë presidenti i ri i Federatës Italiane të Futbollit

Shumica e klubeve të Serie A kanë shprehur mbështetje për kandidaturën e Giovanni Malagò për postin e presidentit të Federatës Italiane të Futbollit (FIGC), në një takim të zhvilluar në Milano mes përfaqësuesve të ligës elitare italiane.

Sipas raportimeve nga Sky Sport Italia, 18 nga 20 klubet e Serie A janë pozicionuar në favor të Malagòs, ndërsa vetëm SS Lazio dhe Hellas Verona kanë abstenuar, duke kërkuar fillimisht shqyrtimin e kuadrit rregullator, pa e kundërshtuar kandidaturën.

Në anën tjetër, klube të mëdha si Juventus FC dhe AC Milan kanë mbështetur gjithashtu Malagòn, pavarësisht diskutimeve të mëhershme për emra alternativë si Adriano Galliani. Mbështetje për kandidatin raportohet se ka edhe nga drejtues të rëndësishëm si Beppe Marotta i Inter Milan dhe Aurelio De Laurentiis i SSC Napoli.

Zgjedhjet për presidentin e ri të FIGC-së pritet të mbahen më 22 qershor, ku delegatët e federatës do të votojnë për drejtuesin e ri të futbollit italian.