Interi, rinovimi i Chivu është formalitet:

Pas vetëm matematikës që e ndan nga titulli kampion, Interi po përgatitet të blindojë trajnerin Cristian Chivu me një rinovim kontrate që konsiderohet tashmë formalitet.

Sipas raportimeve, zgjatja e bashkëpunimit mes klubit zikaltër dhe trajnerit rumun do të zyrtarizohet menjëherë pas sigurimit të titullit në Serie A. Interi kryeson kampionatin me një avantazh prej nëntë pikësh ndaj Napolit, ndërsa kanë mbetur edhe gjashtë javë deri në fund të sezonit.

Klubi nga Milano pritet të shpërblejë punën e Chivu me një kontratë të re dhe me rritje page, më shumë se 2.5 milionë euro në vit që fiton aktualisht. Ky vendim vjen si vlerësim për një sezon të jashtëzakonshëm, ku trajneri rumun po udhëheq Interin drejt një trofeu të rëndësishëm që në sezonin e tij të parë të plotë në stol.

Chivu, i cili kishte pasur më parë një eksperiencë të shkurtër te Parma, ka hyrë në histori duke iu bashkuar një liste shumë të ngushtë trajnerësh që kanë fituar titullin në debutimin e tyre në Serie A. Para tij këtë e kishin arritur vetëm Vycpálek në 1972, Arrigo Sacchi në 1989 dhe José Mourinho në 2009.

Në këtë sukses të madh, rol kyç kanë pasur edhe lojtarët kryesorë të skuadrës, përfshirë kapitenin Lautaro Martínez, i cili ka qenë një nga liderët e Interit në fushë gjatë gjithë sezonit.

Me rinovimin e Chivu, Interi synon të hapë një cikël të ri fitues, duke ndërtuar stabilitet afatgjatë dhe duke synuar dominimin si në Itali ashtu edhe në arenën evropiane.