Lavrov: Rusia është e gatshme të vazhdojë negociatat për Ukrainën

Rusia mirëpriti negociatat me Shtetet e Bashkuara mbi zgjidhjen e çështjes ukrainase dhe mbetet e gatshme t’i vazhdojë ato, sipas deklaratës së Ministrt të Jashtëm rus Sergej Lavrov pas vizitës së tij zyrtare në Kinë.

Lavrov theksoi se Moska mbetet e përkushtuar ndaj marrëveshjeve të arritura në samitin me Uashingtonin në Anchorage, me Presidentin Vladimir Putin që e ka riafirmuar vazhdimisht këtë qëndrim.

Po ashtu, potencoi se, Rusia i pranoi propozimet e bëra nga Shtetet e Bashkuara në Alaska me mirëbesim, pra njohjen de jure të “realiteteve në terren” në Ukrainë.

Diplomati më i lartë rus e bashkangjiti këtë me deklaratat e Vladimir Zelensky që refuzonte një njohje të tillë dhe përshkruante territoret, përfshirë Krimenë dhe Donbasin, si të pushtuara përkohësisht, të cilat Lavrov tha se ndryshojnë nga ajo që u diskutua në Anchorage.