Spalletti ëndërron për Osimhenin

Pas zgjatjes së kontratës së Spallettit, Juventusi ka vetëm një objektiv për sezonin e ardhshëm: fitimin e titullit.

Trajneri toskan ka qenë i qartë me klubin, duke pritur të paktën një përforcim të madh në secilin repart.

Ndërsa emri i Bernardo Silvës është tashmë i njohur, vëmendja duhet t’i kushtohet sulmit.

Ndërsa pritet të zbulohet e ardhmja e Dushan Vlahoviq, ëndrra e vërtetë e Spallettit mbetet Victor Osimhen.

Ai më parë e ka stërvitur atë te Napoli dhe me kënaqësi do ta rikthente atë së bashku me Kim.

Pengesa më e madhe, përsërit Corriere della Sera, mbetet Napoli, ashtu si edhe me Lobotkën. Klauzola anti-Itali e nigerianit (70 milionë euro), e aktivizuar nga De Laurentiis kur ai u shit te Galatasaray, rëndon shumë mbi lojtarin.

Duke pasur parasysh këto shifra, është pothuajse më e lehtë të sigurohet Leëandoëski, i cili po ndiqet gjithashtu nga Milani dhe ka një ofertë rinovimi njëvjeçar nga Barcelona në tryezë.

Në mesfushë, ku kontrata e Locatelli-t është afër rinovimit, Leon Goretzka dhe Franck Kessié, i cili po largohet nga Al-Ahli, janë në krye të listës së dëshirave.

Të dy mund të vijnë si transferim i lirë.

Po në mbrojtje? Përveç Senesi-t, për të cilin ka konkurrencë të fortë evropiane, në garë janë edhe Balerdi (i cili me siguri do të largohet nga Marseille), Spinazzola dhe Celik. E kemi përmendur tashmë Kim-in, i cili do të ishte një shtesë e mirëpritur.