Malisheva i kthehet fitoreve, gjunjëzon Ballkanin

Malisheva ka shënuar fitore të madhe me rezultat 4:2 ndaj Ballkanit, në takimin e javës së 29-të të elitës së futbollit të Kosovës.

Mysafirët avancuan në minutën e 16-të falë golit të futbollistit Giovannit.

Malisheva ka bërë përmbysjen e madhe në 45 minutat e dytë të ballafaqimit.

Në minutën e 56-të Etnik Brruti nga penalltia ka barazuar rezultatin dhe pas tre minutave Diatta Assane realizoi për 2:1.

Ndërsa futbollisti Brruti shënoi për 3:1 në minutën e 82-të. 

Bleart Tolaj ngushton humbjen në 3:2 në minutën e 87-të.

Xhylani nga penalltia realizoi për 4:2 në minutën e 90+5.

Malisheva pas dy humbjeve rresht, i kthehet fitoreve dhe mban gjallë gjasat për një vend në garat evropiane.

Malisheva e zë vendin e katërt me 43 pikë e Ballkani të dytin me 49 sosh..