Incidente jashtë “Allianz Arena” para ndeshjes Bayern-Stuttgart, arrestohen mbi 100 tifozë

Tensione të forta janë regjistruar jashtë Allianz Arena pak minuta para nisjes së sfidës mes Bayern Munich dhe Stuttgart, e vlefshme për javën e 30-të të Bundesliga.

Sipas raportimeve të Bild, situata u përshkallëzua shpejt jashtë stadiumit, duke detyruar ndërhyrjen e menjëhershme të forcave të rendit.

Autoritetet kryen rreth 100 arrestime, ndërsa dhjetëra persona u shoqëruan në polici për përfshirje në trazira.

Incidentet nisën kur një grup tifozësh miq u drejtuan drejt sektorit të tifozëve vendas, duke shkaktuar përplasje fizike mes palëve.

Për të vënë situatën nën kontroll, policia përdori mjete shpërndarëse, përfshirë tymuese, duke izoluar zonat më problematike dhe parandaluar përhapjen e mëtejshme të dhunës.