Rusia thotë se është e gatshme të mbështesë procesin e paqes

Rusia ka vlerësuar rolin ndërmjetësues të Pakistanit në konfliktin mes Iranit dhe Shteteve të Bashkuara gjatë një bisede mes ministrave të jashtëm të dy vendeve.

Sergei Lavrov dhe Ishaq Dar diskutuan përpjekjet për arritjen e një marrëveshjeje mes Teheranit dhe Uashingtonit, sipas një përshkrimi të bisedës telefonike të raportuar nga Reuters.

Lavrov ka shprehur gatishmërinë e Moskës për të mbështetur përpjekjet për ndërmjetësim, thuhet në raport.

Biseda vjen në një kohë kur ministri i Jashtëm i Iranit, Abbas Araghchi, ka mbërritur në Islamabad për bisedime me Pakistanin – ai gjithashtu pritet të udhëtojë drejt Moskës më vonë gjatë vizitës së tij.

Të dërguarit specialë të SHBA-së, Steve Witkoff dhe Jared Kushner, pritet të udhëtojnë drejt Islamabadit të shtunën.

Aktualisht nuk ka plane të konfirmuara për një takim mes dy palëve.