Atletico i ka hapur bisedimet për nënshkrimin e yllit 46-milionësh të Premierligës

Prioriteti kryesor i Atletico Madridit për afatin kalimtar të verës është transferimi i një mesfushori qendror të ri.

Ekziston pasiguri nëse kapiteni i klubit Koke do të vazhdojë edhe një sezon tjetër, dhe me afrimet e janarit si Rodrigo Mendoza dhe Obed Vargas që shihen si projekte për të ardhmen, ka një dëshirë të fortë për të shtuar edhe një lojtar tjetër në skuadër për sezonin e ardhshëm.

Drejtori sportiv i Atleti, Mateu Alemany, ka punuar intensivisht për të gjetur një mesfushor të ri për ekipin e Diego Simeones.

Aktualisht po ndiqet Edersoni i Atalantas, por pasi kjo marrëveshje ka hasur vështirësi, vëmendja është zhvendosur te një tjetër brazilian.

Atleti kishte shfaqur interes për Joao Gomes gjatë merkatos së dimrit dhe, sipas “talkSPORT”, tani kanë hapur bisedime me Wolverhamptonin për transferimin e tij.

Sipas raportit, Atleti duhet të paguajë rreth 40 milionë paund (46 milionë euro) për të siguruar shërbimet e Gomesit nga Wolvesi, rënia e të cilëve nga Premierliga është konfirmuar së fundmi.

Pavarësisht rënies në Championship, klubi anglez nuk është i gatshëm të ulë çmimet për lojtarët e tij, çka mund ta bëjë të vështirë për “Los Colchoneros” uljen e tarifës.

Atleti mund të duhet të paguajë një shumë të ngjashme edhe për Edersonin nga Atalanta, prandaj duhet të vendosë për objektivin kryesor.

Nuk ka shumë dallime mes dy lojtarëve, ndaj vendimi do të varet nga preferencat e Simeones dhe Alemanyt.

Mbetet për t’u parë se cilin drejtim do të marrë Atleti në kërkimin për mesfushor.

Edersoni dhe Gomesi janë aktualisht në krye të listës, por ka ende kohë që emra të tjerë të shtohen përpara hapjes së merkatos verore në fillim të korrikut.