Von der Leyen: Është shumë herët për të hequr sanksionet ndaj Iranit, së pari duhet të shohim një ndryshim thelbësor

Presidentja e Komisionit Evropian, Ursula von der Leyen deklaroi se është shumë herët për të hequr sanksionet e vendosura ndaj Iranit.

“Ne besojmë se heqja e sanksioneve do të ishte e parakohshme “, tha ajo në Berlin gjatë një takimi të CDU-së konservatore dhe partisë së saj simotër në Bavari, CSU-së.

Zyrtari theksoi më pas se sanksionet janë vendosur për shkak të represionit të dhunshëm të zbatuar nga qeveria iraniane.

“Së pari duhet të shohim një ndryshim, një ndryshim themelor në Iran që të hiqen sanksionet”, shtoi von der Leyen.

Kujtojmë që situata në Lindjen e Mesme mbetet e brishtë ndonëse armëpushimi mes SHBA dhe Iranit është zgjatur. Negociatat kanë ngecur në ngërç ndërsa ngushtica e Hormuzit, rruga jetike detare për naftën, mbetet ende e mbyllur.