Sulmuesi mban premtimin dhe qeras me rreth 800 litra birrë tifozët

Ermedin Demiroviq e mbajti fjalën.

Sulmuesi i Shtutgart kishte premtuar të blinte “nga një birrë për të gjithë stadiumin” nëse Bosnja kualifikohej në Kupën e Botës, e mbajti premtimin e tij të hënën gjatë “Wasentag”, ditës tradicionale të organizuar nga klubi gjerman.

Për më shumë se një orë, boshnjaku shërbeu afërsisht 800 litra birrë për tifozët.

“Kualifikimi për Kupën e Botës ishte dhe mbetet një nga momentet më të mëdha të jetës sime.

Tani të gjithë e dinë se çfarë do të thotë për vendin tonë, Bosnja do të marrë pjesë në Kupën e Botës.

Kjo është arsyeja pse po ju ofroj një birrë sot”, tha ai në fillim të shërbesës së tij.

“U bë me dashuri, shpresoj ta keni shijuar”, përfundoi ai një orë më vonë.

28-vjeçari Demiroviç, ndihmoi Bosnjën të kualifikohej në Kupën e Botës duke eliminuar Italinë në fazën eliminatore në fund të marsit . Me Shtutgart ai ka luajtur 22 ndeshje në Bundesligë dhe ka shënuar 10 gola, përfshirë një në barazimin 1-1 kundër Verder Bremen të dielën.