Prizren: Arrestohet një person pasi i gjendet ar*ma gjatë kontrollit në qytet

Prizren, 27 maj 2026 – Një person është arrestuar në rrugën “Remzi Ademaj” në Prizren, pasi gjatë kontrollit policor tek ai është gjetur dhe konfiskuar një armë zjarri, raporton Gazeta e Prizrenit.

Sipas informacioneve zyrtare, i dyshuari, mashkull kosovar, është ndaluar rreth orës 23:15, ndërsa policia ka sekuestruar një pistoletë dhe 14 fishekë.

Me urdhër të prokurorit kompetent, i dyshuari është dërguar në mbajtje, ndërsa rasti është iniciuar si “Mbajtje në pronësi, kontroll ose posedim të paautorizuar të armës”.

Hetimet lidhur me rastin janë duke vazhduar.