Prizren: Largohet Liridon Fetahaj nga FC Liria
- Gazeta e Prizrenit
Sulmuesi Liridon Fetahaj i ka dhënë fund bashkëpunimit me FC Liria, duke u larguar nga klubi pas disa vitesh si pjesë e skuadrës prizrenase.
Ai përmes një postimi në rrjetin social Facebook, ka falënderuar klubin dhe tifozët për mbështetjen e vazhdueshme gjatë periudhës sa ishte pjesë e Lirisë.
“Falemnderit Arpagjik. Falemnderit të gjithëve për përkrahjen. Mirupafshim. Klubit i uroj shumë suksese dhe kthim sa më të shpejtë në Superligë, aty ku e ka edhe vendin”, ka shkruar Fetahaj.
Me këtë mesazh, sulmuesi i ka dhënë lamtumirën FC Lirisë, duke i uruar klubit suksese në vazhdim dhe rikthim të shpejtë në elitën e futbollit kosovar.
