Ky është polici që u lëndua në aksidentin e Malishevës – ishte në detyrë zyrtare
- Gazeta e Prizrenit
Zyrtari policor që mbeti i lënduar në aksidentin e rëndë të së dielës në rrugën “Ibrahim Mazreku” në Malishevë është Altin Kryeziu.
Gazeta Sinjali merr vesh se Kryeziu në momentin e aksidentit ishte në detyrë zyrtare, kur njëri prej automjeteve të përfshira në aksident doli jashtë rrugës dhe e goditi atë.
Policia e Kosovës ka konfirmuar për Gazetën Sinjali se aksidenti ka ndodhur rreth orës 19:40, ku janë përfshirë katër automjete.
Zëdhënësi i Policisë për Rajonin e Gjakovës, Sheremet Elezaj, ka bërë të ditur se zyrtari policor ka pësuar lëndime trupore dhe është dërguar për trajtim mjekësor.
Për trajtim mjekësor janë dërguar edhe katër persona të tjerë.
Njësitë policore kanë dalë në vendin e ngjarjes dhe po ndërmarrin veprimet hetimore për të zbardhur rrethanat e plota të aksidentit./ GS
