62 gra të vrara nga familjarët në Kosovë që nga viti 2010
- Gazeta e Prizrenit
Të paktën 62 gra janë vrarë nga familjarët në Kosovë që nga viti 2010, sipas të dhënave të paraqitura në grafik, bazuar në rastet e regjistruara nga Policia e Kosovës.
Të dhënat përfshijnë periudhën nga viti 2010 deri në gusht të vitit 2026 dhe tregojnë një problem të vazhdueshëm të vrasjeve të grave brenda familjes.
Numri më i lartë i rasteve është regjistruar në vitin 2018 dhe 2020, me nga 7 gra të vrara në secilin vit.
Në vitin 2010 janë regjistruar 6 raste, ndërsa në vitin 2011 pesë. Nga viti 2012 deri më 2017, numri vjetor ka lëvizur nga një deri në tre raste.
Pas kulmit prej shtatë rastesh në vitin 2018, në vitin 2019 janë regjistruar pesë vrasje, ndërsa në vitin 2020 sërish shtatë.
Në vitet pasuese, të dhënat tregojnë:
2021 – 3 gra të vrara
2022 – 4 gra
2023 – 4 gra
2024 – 3 gra
2025 – 1 grua
2026 – 3 gra, deri në gusht
