Të shtunën mbahet afati i dytë i maturës, afro 5 mijë kandidatë të aprovuar

Ministria e Arsimit dhe Shkencës ka njoftuar se gjithsej 5 mijë e 33 kandidatë kanë aplikuar në afatin e dytë për provimin e maturës përmes platformës eKosova, ndërsa pas shqyrtimit dhe verifikimit janë aprovuar 4 mijë e 967 aplikime.

Sipas njoftimit, të gjithë komisionarët dhe administruesit duhet të jenë në qendrat përkatëse një orë para fillimit të provimit, për të siguruar organizimin dhe mbarëvajtjen e procesit.

“Kandidatët duhet të paraqiten në qendrën e testimit përcaktuar në listat përfundimtare dhe të kenë me vete dokumentin përkatës të identifikimit. Për garantimin e një procesi të rregullt, të sigurt dhe të barabartë për të gjithë kandidatët, kërkohet respektimi i plotë i udhëzimeve dhe rregullave të përcaktuara për administrimin e provimit të maturës”, thuhet në njoftimin në Facebook.