WhatsApp teston funksionin e ri që paralajmëron përdoruesit për mashtrimet
- Gazeta e Prizrenit
WhatsApp ka nisur testimin e funksionit të ri “Scam Alert”, i krijuar për t’i paralajmëruar përdoruesit për mesazhet e dyshimta që vijnë nga numra të panjohur.
Funksioni është shfaqur për disa përdorues të versionit beta 2.26.34.1 në pajisjet Android.
Kur sistemi identifikon një mesazh të dyshimtë, përdoruesit i shfaqet mundësia që ta konsiderojë kontaktin të besueshëm ose ta bllokojë dhe raportojë atë.
Sipas Meta-s, funksioni mbështetet në një model të inteligjencës artificiale që punon drejtpërdrejt në pajisje. Përmbajtja e mesazheve nuk largohet automatikisht nga telefoni dhe nuk u dërgohet WhatsApp-it, Meta-s apo palëve të tjera.
Nëse përdoruesi dëshiron të ndihmojë në përmirësimin e sistemit, mund të zgjedhë t’i ndajë me kompaninë pesë mesazhet e fundit të bisedës së dyshimtë.
“Scam Alert” duhet të aktivizohet manualisht në seksionin “Settings > Account”. WhatsApp ende nuk ka njoftuar se kur funksioni do të jetë i disponueshëm për të gjithë përdoruesit.
