Ja kur Evropa kalon në orën dimërore

Vendet evropiane që zbatojnë ndryshimin sezonal të orës do të kalojnë në orën dimërore të dielën, më 25 tetor 2026. Ndryshimi do të bëhet gjatë natës, kur akrepat e orës do të kthehen 60 minuta prapa.

Në Kosovë, Gjermani dhe në vendet e tjera të rajonit që ndjekin këtë sistem, ora 03:00 do të kthehet në 02:00. Si rezultat, qytetarët do të kenë një orë më shumë gjumë, ndërsa ditët do të shkurtohen dhe errësira do të bjerë më herët në mbrëmje.

Kalimi në orën dimërore është pjesë e sistemit të ndryshimit sezonal të kohës, që synon përshtatjen e orarit me ndryshimet e dritës gjatë stinëve të vitit.

Ndërkohë, rikthimi në orën verore është paraparë për të dielën, më 28 mars 2027, kur akrepat do të lëvizin një orë përpara.

Ndryshimi i orës në fund të tetorit shënon përfundimin e periudhës së orës verore dhe hyrjen në sezonin e dimrit sipas kohës zyrtare.