Ten Hag: Ja pse zgjodhëm Hojlundin

Trajneri i Manchester United, Erik ten Hag, ka pranuar se United u përpoq të merrte Harry Kane vitin e kaluar.

Kane u largua nga Tottenham për Bayern Munich në gusht, por jo përpara se United të bënte një përpjekje.

Ten Hag tha për Sky Sports: “Gjatë dekadës së fundit dhe gjatë kësaj periudhe, ne nuk arritëm gjithmonë të merrnim lojtarët që dëshironim. Por atëherë duhet të ndërtosh dhe duhet të pranosh se duhet të marrësh talente në vend të lojtarëve të konfirmuarrr.

“Ne kemi bërë disa zgjedhje me talente si Rasmus Hojlund. Unë mund të shoh një sulmues që e ka dëshmuar tashmë këtë, të cilin ne donim ta nënshkruanim, por nuk mundëm ta merrnim atë. Dhe pastaj shkuam te Rasmus sepse ai është një talent”.

Ten Hag ka pranuar se i referohet Kane, 30 vjeç.

“Po, dhe e dimë se Harry Kane të jep 30 gola. Unë mendoj se Rasmus do të arrijë atje, por atij i duhet kohë. Nuk është e drejtë ta gjykojmë atë në të njëjtën mënyrë si Harry Kane. Unë kurrë nuk do të krahasoja dy lojtarë sepse ata janë shumë ndryshe.

“Por me Hojlund, mendoj se ne kishim potencialin më të madh në pozicionin e sulmit verën e kaluar dhe jemi shumë të kënaqur me të. Por ai gjithashtu ka nevojë për kohë për t’u përshtatur dhe ne jemi shumë të kënaqur që ai ka treguar vlerat e tij në shënimin e golave”.