Haradinaj kujton heroinën Mervete Maksutaj: Akti i saj sublim mishëron vetëmohimin më të lartë për atdheun

- Bota Sot

Haradinaj kujton heroinën Mervete Maksutaj: Akti i saj sublim mishëron vetëmohimin më të lartë për atdheun

Kryetari i Aleancës për Ardhmërinë e Kosovës, Ramush Haradinaj, ka kujtuar heroinën Mervete Maksutaj në përvjetorin e përjetësimit.

Ai ka thënë se akti i saj sublim në Spitalin e Pejës, mishëron vetëmohimin më të lartë për atdheun.

“Në altarin e lirisë, heroina Mervete Maksutaj shkroi me gjakun e saj një nga faqet më fisnike të historisë sonë. Akti i saj sublim në Spitalin e Pejës, ku u përball me forcat pushtuese për të shpëtuar shokun e plagosur, mishëron vetëmohimin më të lartë për atdheun”, tha Haradinaj.

Kreu i AAK-së ka thënë se rënia e saj heroike mbetet dëshmi e gjallë e çmimit të shtrenjtë për Kosovën e lirë

“Trimëresha e Dukagjinit na mësoi se dashuria për liri është më e fortë se vdekja, duke u bërë kështu simbol i përjetshëm i guximit dhe sakrificës supreme. Rënia e saj heroike mbetet dëshmi e gjallë e çmimit të shtrenjtë që populli ynë pagoi për Kosovën e lirë. Lavdi të përjetshme Mervete Maksutaj!”, ka shkruar Haradinaj në Facebook.



Lexoni të gjitha në Bota Sot