Ukraina rrit prodhimin e raketave

Ukraina po rrit prodhimin e saj vendas të raketave mes frikës për një ndërprerje të furnizimit nga SHBA përpara kthimit të Donald Trump në detyrë.

Kievi u ka bërë thirrje vazhdimisht aleatëve evropianë që të rrisin shpenzimet dhe të ofrojnë më shumë armë, në mënyrë që të mund të furnizojë trupat e tij në vijën e frontit, të cilët janë përballur shpesh me mungesa në luftimin e forcave të Moskës.

Ministria e Mbrojtjes e Ukrainës tha se po rrit prodhimin e raketave të saj të lundrimit R-360.

R-360 fillimisht ishte projektuar si një raketë kundër anijeve, por inxhinierët kanë gjetur një mënyrë për të krijuar një variant që mund të godasë objektivat tokësore.