Lajm i mirë për Realin, rikthehet Alaba

David Alaba është gati të rikthehet në stërvitje me grupin, dhe sipas kalendarit në Valdebebas, ai do të bashkohet me skuadrën më 30 dhjetor, në ditën kur ekipi i drejtuar nga Carlo Ancelotti rikthehet në punë.

Pas tij do të mbeten një vit dhe 13 ditë të punës së vështirë individuale për rikuperimin e një dëmtimi të rëndë, veçanërisht kur bëhet fjalë për dëmtimin e frikshëm të ligamentit të kryqëzuar të përparmë.

Alaba është një nga lojtarët me ndikim të madh brenda grupit, përveç kontributit të tij të jashtëzakonshëm në sukseset e fundit të Real Madridit.

Shpejtësia e tij në ndërhyrje, aftësia për të ndërtuar lojën nga mbrojtja dhe preçizioni i tij e bëjnë atë më shumë se një lojtar të zakonshëm për Ancelotti dhe për të gjithë skuadrën.

Dëmtimi i mbrojtësit qendror ishte një goditje e rëndë për dhomën e zhveshjes së Real Madridit. Ai erdhi vetëm katër muaj pas dëmtimit të Militaos, i cili gjithashtu po qëndron larg fushave për të njëjtën arsye.

Ata që kanë qenë pranë Alabas gjatë procesit të tij të gjatë të rikuperimit flasin për përkushtimin e tij të plotë dhe të palëkundur, me synimin e vetëm për t’u rikthyer si futbollist dhe për të ndihmuar Real Madridin, një klub dhe ekip me të cilin ai është identifikuar që nga momenti i parë kur veshi fanellën e bardhë.