Milani befason Liverpoolin

Liverpool është befasuar nga një ofertë para hapjes së merkatos së janarit. Bëhet fjalë për sulmuesin Darwin Nunez, i cili nuk e ka gjetur veten në “Anfield”.

Sulmuesi uruguajan është transferuar te Liverpool nga Benfica për 85 milionë euro, shifër të cilën ende nuk e ka justifikuar, sepse bashkë me bonuse ky transferim do të shkonte deri në 100 milionë.

Ai ka shënuar 11 gola dhe ka dhënë 8 asiste në kampionatin anglez gjatë sezonit të kaluar, por nuk konsiderohet titullar, sidomos sivjet që nuk është zgjuar (vetëm katër gola në 23 ndeshje në të gjitha kompeticionet)

Klubi që ka bërë ofertë për Nunez është Milani. Klubi i kuq ka kërkuar ta marrë në huazim me të drejtë blerjeje.

Gjithsej, Milani pretendon të bindë klubin anglez me 50-55 mln euro transferim, nëse në qershor Nunez vendos të veshë përfundimisht fanellën kuqezi.