Slot: Kemi bërë vetëm gjysmën e punës

Liverpuli do ta nisë vitin e ri 2025 në krye të Premier Ligës për herë të shtatë në histori, por vetëm një herë, në sezonin 2019-20, ata fituan titullin.

Arne Slot është i kënaqur me atë që ka treguar skuadra e tij në këtë fazë të parë, ku gëzon një avantazh të konsiderueshëm nga rivalët për të fituar një trofe që historia e tyre e lakmon kaq shumë. “Jemi shumë të kënaqur.

Ishte një tjetër ndeshje që e dominuam dhe fituam me meritë. Nuk është e lehtë të luash kaq shumë ndeshje në këtë kalendar festiv të sezonit, por këta djem e kanë përballuar shumë mirë. Ne jemi në një pozicion shumë të mirë, këtë e dimë.

Por jemi vetëm në gjysmën e rrugës dhe tani kanë ngelur edhe 19 javë të tjera. Do t’i marrim ndeshje pas ndeshje dhe do të përpiqemi që të fitojmë sa më shumë. Në fund do ta shohim renditjen”, tha trajneri holandez.