Ancelotti nis “spastrimin” te Reali

Te Reali kanë nisur që tani përgatitjet për të bërë gati ekipin për sezonin e ardhshëm, jo vetëm duke piketuar transferimet e reja por dhe duke u bërë gati për largime të shumta.

Të paktën 4 futbollistë deri tani  sipas “Defensa Central” e kanë të sigurt largimin gjatë verës, nëse nuk arrijnë të largohen gjatë merkatos së janarit. Bëhet fjalë për Andriy Lunin, Ferland Mendy, Fran Garcia dhe Dani Ceballos.

Për Ceballos dhe Fran Garcia ka interes nga disa ekipe brenda La Ligës, ndaj dhe e ardhmja e tyre pritet të jetë po aty.

Portieri ukrainas që e ka të pamundur të fitojë vendin e titullarit para Courtois mund të largohet drejt Premier League. Mendy, i cili ka qenë i pafat për shkak të dëmtimeve të shumta, ndaj dhe ka humbur rëndësinë të madrilenët. Largimi i tij në verë është i sigurt.