‘CR7 dhe Neymar!’, Nicolas Jackson dhe pseudonimet e çuditshme

Nicolas Jackson ka zbuluar se ai thirrej “CR7” dhe “Neymar” në rini, pasi ai idhullonte Cristiano Ronaldon dhe sulmuesin brazilian.

Lojtari nga Senegali është bërë një yll vetë tani, me sulmuesin 23-vjeçar që luan me Chelsea-n.

Ai regjistroi 17 gola për ta sezonin e kaluar, ndërsa në sezonin aktual ka realizuar 9 në 20 ndeshje.

Jackson tha për kanalet zyrtare të Premier League kur u pyet për pseudonimet e tij të fëmijërisë: “Kam shumë. Jacko, Nicks, CR7, Neymar. Ata ishin idhujt e mi, kështu që më thërrisnin kështu”.

Jackson ka thënë në nëntor të 2023-shit se dëshironte të imitonte CR7:

“Kur isha duke u rritur, e adhuroja Cristiano Ronaldon. Kisha emrin e tij në një fanellë që e vishja gjithmonë.

Jo një fanellë origjinale sepse janë të shtrenjta. Por unë kisha një fanellë ku vendosa numrin 7 dhe shkrova emrin e Ronaldo-s me stilolaps kur isha fëmijë.

“Sigurisht që pretendoja të isha ai, por ishte e vështirë të shikoje ndeshjet e tij sepse duhej të paguash.

“Ne do të shkonim në shtëpinë e mikut tim, të gjithë. Ishim një grup i madh, kurrë vetëm me një person në shtëpi. Të gjithë miqtë e mi, të gjithë do të shkonim në një shtëpi për të parë Real Madridin”.