Një burrë tentoi të sulmonte me thikë një student në Novi Sad

Sot para Fakultetit të Mjekësisë në Novi Sad, gjatë bllokadave, një i moshuar me thikë ka tentuar të sulmojë një student, i cili qëndronte i qetë me duar të ulura.

Disa studentë, gjithashtu roje sigurie, erdhën dhe çarmatosën burrat që u përplasën me studentin, raporton nova.rs.

Ky është vetëm një në serinë e sulmeve ndaj studentëve, pjesëmarrësve të protestës dhe një nga më të rëndat ndodhi dje kur një shofer u arrestua pasi tentoi të vriste një studente që mori pjesë në bllokadën në rrugën Rooseveltova.

Përkatësisht, ai me veturën e tij ka tentuar të kalojë me forcë bllokadën dhe me atë rast ka goditur një studente e cila ndodhej në trotuar.

Ndryshe, studentët tash e sa javë po protestojnë duke kërkuar përgjegjësi për vdekjen e 15 personave në Novi Sad.

Kujtojmë se muaj më parë 15 persona mbetën të vdekur kur u shemb streha e jashtme prej betoni e Stacionit Hekurudhor.