Bavarezët nuk kanë rivalë në kontinentin e vjetër

Deri më tani këtë sezon, ne kemi parë Bajern Mynih të marrë 48 pikë nga 19 ndeshjet e tyre deri më tani, duke fituar 15, duke barazuar tre dhe duke humbur vetëm një herë. Pjesa dërrmuese e performancave kanë qenë të shkëlqyera dhe duket se edhe të dhënat justifikojnë dominimin e tyre.

Sipas “DataMB”- së, bavarezët janë gjithmonë të shkëlqyer, kur krahasohet me ekipet në shtatë ligat më të mira, Bajern renditet në krye për përqindjen e mbajtjes së topit, përqindjen për golat, sulmin dhe fizikën, përqindjen për mbrojtjen dhe përqindjen e presionin.

Për më tepër, kur krahasohet me skuadrat në pesë ligat më të mira, Bajern Mynih renditet në përqindjen më të lartë të duelit ajror dhe më pak gjuajtje në portën e tyre. Për të theksuar se sa dominon gjigandët nga Mynih ndeshjet, “DataMB” ka publikuar gjithashtu pesë lojtarët më të mirë në pesë ligat më të mira për pasime në 90’. Katër të parët janë të gjithë lojtarë të Bajernit . I pari është Joshua Kimish, Aleksandar Pavloviç, Kim Min-xhae dhe Daiot Upamekano.

Krahas sezonit të shkuar, ata nuk e kishin këtë nivel dominimi në duele. Edhe në barazimet me Bajer Leverkusen dhe Borusia Dortmund duhet të kishin fituar. Eintraht Frankfurt dhe Mainc janë ndoshta dy ndeshjet e vetme këtë sezon që Bajerni nuk e meritonte të fitonte.

Asgjë nuk është zgjidhur ende. Bajer Leverkusen është në formë të shkëlqyer dhe mbetet vetëm gjashtë pikë prapa. Për momentin, Vinsent Kompani dhe lojtarët meritojnë të gjitha lavdërimet për shfaqjen e përmirësimit në fushë pasi duruan një sezon të kaluar pa trofe.

Ndërsa rezultatet dhe të dhënat janë premtuese për rekordmenët në Bundesligë , ka hapësirë të konsiderueshme për përmirësim në Ligën e Kampionëve. Klubi bavarez ka pësuar tri humbje, të gjitha jashtë shtëpisë, Aston Vila, Barcelona dhe Fejnord. Nëse armata nga Mynihu dëshiron të shkojë gjatë në Ligën e Kampionëve, ata duhet të imitojnë performancat e Bundesligës në Evropë.