Tensione të mëdha te Milani

Tensionet janë të larta në dhomën e zhveshjes së Milanit pas humbjes së fundit në Champions League kundër Dinamo Zagrebit. Skuadra kuqezi, e cila mbeti jashtë tetëshes së parë në renditje, do të duhet të luajë në play-off për tu përpjekur të hyjë më pas në raundin e 16-të.

Pas përplasjes shumë të ashpër kokë më kokë që u zhvillua në fushë në San Siro para mbi 70,000 tifozëve dhe u transmetua drejtpërdrejt në televizion midis Sergio Conceicao dhe Davide Calabri , dje një tjetër përplasje ndodhi brenda dhomës së zhveshjes së Milanit.

Siç shkruan “Tuttosport” , Morata nuk do ta kishte vlerësuar fare zëvendësimin në fillim të pjesës së dytë.

Një episod që do të sillte tensione të reja me trajnerin portugez, në vështirësi totale nga pikëpamja menaxheriale. Një klimë që po ndikon në mënyrë të pashmangshme si në rezultatet ashtu edhe në qetësinë e të gjithë ambientit, vetëm pak ditë larg derbit mes Milanit dhe Interit të planifikuar për të dielën e 2 shkurtit në orën 18:00.