Eurostat: Italia ka popullsinë më të vjetër në Evropë, mosha mesatare 48.7 vjeç

Italia ka popullsinë më të vjetër në Evropë, me moshën mesatare në vend që është 48.7 vjeç, njoftoi Eurostat. Në deklaratë thuhet se kjo është katër vite më shumë se mosha mesatare në Itali në periudhën 2014-2024.

Vërehet se mosha mesatare e popullsisë së BE-së është 44.7 vjeç, që është 2.2 vjet më shumë se në vitin 2014, raportoi ANSA.

Eurostat thotë se Irlanda ka popullsinë më të re në Evropë, me një moshë mesatare prej 39.4 vjeç. Thuhet se plakja e popullsisë është regjistruar në të gjitha vendet e BE-së, me përjashtim të Maltës, ku mosha mesatare e popullsisë është ulur për 0,7 vjet dhe Gjermanisë, ku është ulur për 0,1 vit.

Plakja e popullsisë është më e theksuar në Greqi, Itali, Portugali dhe Sllovaki me një rritje mesatare prej katër vjetësh, ndërsa mosha mesatare në Qipro, Spanjë dhe Poloni është rritur me 3.8 vjet, sipas Eurostat.