Nuk po ia do ekipit të Xherdan Shaqirit

Baseli nuk ka marrë më shumë se një pikë në udhëtim me St. Gallenin.

Kapiteni Xherdan Shaqiri me Baselin duket se nuk po ia do në javët e fundit në elitën e futbollit zviceran. 

Barazimi me rezultat 2:2 në konak të St. Gallenit paksa ia prishi planet Baselit, pasi që këtë mund ta shfrytëzojë Lugano në rast të fitores që të shkëputen për tre pikë në kreun e tabelës.

Xherdan Shaqiri e Leon Avdullahu startuan te Baseli. Shaqiri u zëvendësua në minutën e 73-të. Albian Ajeti luajti prej minutës së 85-të.

Te St. Galleni startuan Albert Vallqi e Betim Fazliji. 

Fazliji, që është kthyer kohë më parë nga një lëndim, la fushën në minutën e tetë po për shkak të lëndimit. Bastien Toma hyri në vend të tij.

Toma asistoi në golin për 2:2 në minutën e 87-të.

Baseli mbetet lider me 42 pikë pas javës së 25-të, e ndjekur nga Lugano me 42 pikë, e cila ka një ndeshje më pak të zhvilluar.