Ylli i Interit humb sezonin

Interi ka konfirmuar se mesfushori Piotr Zielinski është lënë jashtë fushës pasi mësoi rezultatet e testeve të tij mjekësore nga dëmtimi që mori gjatë fitores 3-2 të Serie A ndaj Monzas të shtunën.

Polaku hyri në fushë si zëvendësues i Henrikh Mkhitaryan, por mbrëmja e tij zgjati vetëm disa çaste para se të largohej duke shtrënguar gjurin, transmeton KosovaPress.

“Nerazzurrët” kanë konfirmuar se 30-vjeçari pati testet mjekësore në objektin e Humanitas në Rozzano të hënën, gjë që ka zbuluar një dëmtim të ligamentit medial të pulpës në këmbën e djathtë, përcjellë KosoavPress.

Zielinski pritet të mungojë të paktën dy muaj si pasojë e dëmtimit të tij, që do të thotë se ai nuk ka gjasa të kthehet para muajit maj. Ekziston mundësia që ai të mos jetë plotësisht në formë para përfundimit të sezonit 2024-25.

Nëse është kështu, atëherë Zielinski do të duhet të presë deri në Kupën e Botës FIFA për klube në qershor për të shënuar rikthimin e tij nga lëndimi.