Atletico Madridi publikon dy pika ku UEFA nuk iu përmbajt
- Bota Sot
Atletico Madridi u eliminua nga rivalët e qytetit Real Madridi në xhiron e 16-të të Ligës së Kampionëve.
Këto ishin dy ndeshje të shkëlqyera në të cilat, pas rezultatit të përgjithshëm 2-2, fituesi u vendos përmes penalltive.
Gjyqtarët e kanë anuluar goditjen e Julian Alvarez për shkak të kontaktit të dyfishtë. Argjentinasi rrëshqiti dhe preku dy herë topin kur gjuajti.
Kjo shkaktoi shumë polemika dhe Atletico lëshoi një deklaratë.
“Ne e dimë se një gabim VAR nuk do të ndryshojë kurrë rezultatin përfundimtar. Sado i qartë të jetë gabimi, rezultati do të qëndrojë”, ishte reagimi fillestar i Los Cholchoneros.
“Por, na vjen shumë keq për këtë ‘incident’ dhe ndikimin e tij tek ne”.
“Kjo ka shkatërruar shpresat e miliona tifozëve dhe ka minuar përpjekjet e jashtëzakonshme të ekipit tonë”.“Pavarësisht shpjegimit të UEFA-s, ne jemi të frustruar sepse besojmë se:
*Topi nuk lëviz qartë përpara se të goditet në ndonjë nga këndet e disponueshme.
*VAR duhet të ndërhyjë vetëm në rastet e gabimeve të qarta dhe të dukshme, dhe ky vendim është marrë në vetëm 45 sekonda, sipas një deklarate nga stafi i zyrtarëve”.
“Nuk është në ADN-në e Atleticos të bëjë justifikime. Tashmë po presim me padurim sfidën tonë të radhës – ndeshjen e së dielës kundër Barcelonës”, përfundon reagimi i Atleticos.
