Një limuzinë shpërthen në qendër të Moskës – besohet të jetë e Putinit
- Bota Sot
Një limuzinë luksoze Aurus që besohet të jetë pjesë e flotës zyrtare të presidentit rus Vladimir Putin ka shpërthyer në Moskë.
Pamjet tregojnë Aurus Senat, me vlerë rreth 320,000 euro, duke u djegur në mes të rrugës, jo shumë larg selisë së shërbimit sekret rus FSB në Lubyanka, shkruajnë mediat e huaja.
Nga video duket se zjarri përhapet nga motori në brendësi të automjetit.
Por, nuk dihet se kush ndodhej në të në momentin e shpërthimit dhe shkaqet e zjarrit.
Ndryshe, Putin përdor rregullisht limuzinat ruse Aurus dhe së fundmi ia dhuroi njërën prej tyre liderit të Koresë së Veriut, Kim Jong Un.
Ky incident ka të ngjarë të intensifikojë më tej paranojën tashmë të fortë brenda Kremlinit se agjentët e huaj po komplotojnë për të vrarë liderin rus.
