Lautaro Martinez: Kjo fanellë është pasion, mezi pres Botërorin e Klubeve

Lautaro Martinez flet për Interin e tij dhe e bën këtë, në veçanti, në funksion të Kupës së Botës për Klube, ku këtë verë do të jetë pjesëmarrës si protagonist.

Në disa deklarata për “DAZN”, ai tha: “Është tejet emocionuese të luash në një turne si ky. Do të jetë shumë bukur, diçka vërtet e veçantë, duke qenë se është hera e parë që jam i lumtur. Fakti që do të ketë skuadra nga të gjitha kontinentet, nga pjesë të ndryshme të botës, më bën të besoj se tifozët do të kenë një rol të rëndësishëm, sepse do të ketë shumë kultura të ndryshme”.

Më pas, argjentinasi foli për rolin e liderit në skuadër dhe ambiciet e zikaltërve gjatë muajve në vijim. “Demi” nuk fshihet, teksa deklaron: “Kam folur gjithmonë për këtë me babanë tim, lider lind nuk bëhesh. Të gjithë nevojiten, fundja grupi është më i rëndësishëm se individi. Gjëja e rëndësishme është që lideri të ketë gjithmonë fjalë pozitive, sjellje shembullore, padyshim, dhe se shokët e skuadrës duhet ta dinë se një histori të madhe mund të ketë momente të vështira.

Gjëja e rëndësishme është të bësh më të mirën që mundesh për Interin dhe ta çosh Interin sa më larg që të jetë e mundur sa herë zbret në fushë. Për mua ‘pasion’ është fjala që përfaqëson më së miri Interin”.