Dekania e sulmuar me thikë del nga spitali: Na ka mbetur vetëm të na bëjnë copë-copë

Në Nish një grua sulmoi me thikë dekanen e Fakultetit Filozofik, Natalia Jovanoviq mëngjesin e sotëm.

Dekania pas trajtimit të plagëve doli nga spitali, duke akuzuar për sulm presidentin Aleksandar Vuçiq.

"Kam përjetuar stres të madh, na ka mbetur vetëm të na presin copë-copë, nuk e di se çfarë do të ndodhë më pas. Nuk ka nevojë që tensionet të rriten. Ne e dimë se kush po i përhap. Dhe këtë herë po akuzoj vetëm një person - ajo më ka tërhequr një thikë, dhe ky është presidenti i këtij vendi", tha Jovanoviq për N1.

Jovanoviq është sulmuar gjatë një proteste para Fakultetit Juridik, ka konfirmuar bashkëshorti i saj Branislav Jovanoviq. Ai tha se ajo u plagos ndërsa po përpiqej të mbrohej nga një sulm me thikë.

"Së pari, një grua e sulmoi verbalisht, pastaj i hodhi një kanaçe. Më pas ajo u shfaq me thikë dhe e sulmoi. Natalia luftoi me duar të zhveshura dhe më pas u pre në krah me thikë duke u mbrojtur", tha Jovanoviq.

Dëshmitarët okularë thanë se sulmuesja kërcënoi se do t’i hidhte acid Jovanoviq dhe më pas e sulmoi me thikë. Qytetarët e kanë çuar në një lokal bastesh aty pranë dhe më pas ka mbërritur ambulanca dhe policia.

Kujtojmë, Jovanoviq më 7 shkurt u sulmua edhe gjatë një proteste në Nish. Më pas ajo u sulmua nga një grua e moshuar, e cila fillimisht shënjestroi studentët. Jovanoviq tentoi të ndërhynte, por më pas sulmuesi e kërcënoi edhe atë: “Do të të vrasim” dhe “Ti do të paguash për gjithçka”.

Natalia Jovanoviq është ndër udhëheqësit e parë të fakultetit në Serbi që mbështet kërkesat e studentëve. Fakulteti Filozofik në Nish ishte i pari që hapi dyert për studentët e mbyllur.