Mësohet klubi i ardhshëm i Salahut

Bota e futbollit është në pritje mes interesimit në rritje të Al Hilal për të transferuar Mohamed Salah.

Sipas burimeve pranë klubit saudit, drejtuesit janë të vendosur të bëjnë një përpjekje të pashembullt për të siguruar ardhjen e yllit egjiptian, duke besuar se ai mund të ketë një ndikim të madh si te klubi, ashtu edhe në konkurrencën arabe, raporton “Fichajes”.

Megjithëse Salah ka shprehur interesim për një transferim të mundshëm, operacioni mbetet i ndërlikuar, veçanërisht duke marrë parasysh kalendarin e ngjeshur të Liverpoolit, i cili përfshin pjesëmarrjen në Kampionatin Botëror të Klubeve që nis më 14 qershor.

Al Hilal, që do të përballet me Real Madridin në atë turne, e sheh Salah si pjesën kyçe për të konsoliduar projektin e tyre sportiv dhe për të garuar në nivelin më të lartë.

Drejtuesit sauditë janë të bindur se ambicia e lojtarit dhe tërheqja e ligës saudite do të jenë faktorë vendimtarë për të finalizuar marrëveshjen.

Mundësia e transferimit të Salah te Al Hilal do të përfaqësonte një moment historik për futbollin saudit, duke e forcuar kampionatin e tyre si një destinacion tërheqës për yjet botërorë.

Klubi është i gatshëm t’i ofrojë sulmuesit një kontratë të majme dhe një projekt sportiv ambicioz për ta bindur të bëjë hapin drejt Arabisë Saudite.