Endricku flet sërish për të ardhmen e tij te Real Madrid

Qendërsulmuesi brazilian Endrick ka folur sërish për të ardhmen e tij te Real Madrid.

Braziliani kontribuoi me një gol të martën mbrëma në gjysmëfinale e Kupës së Mbretit ndaj Sociedadit, ku madrilenët dolën triumfues pas vazhdimeve, duke siguruar finalen e Kupës.

Pas ndeshjes, 18-vjeçari, përveçse e komentoi lojën, foli edhe për të ardhmen e tij në “Santiago Bernabeu”.

“Më pëlqen të jem lojtar i Real Madridit! Më pëlqen të jem këtu, e dua këtë klub".

“Unë jam këtu për të mësuar, zhvilluar, për të bërë më të mirën për Real Madridin”, u shpreh sulmuesi.

“Këtu kemi Vini, Mbappé, Jude dhe Rodrygo... katër lojtarët më të mirë në botë.

Unë nuk jam askush. Unë jam këtu për të punuar dhe nuk ka të bëjë me atë se kush do të fillojë, unë duhet të bëj më të mirën dhe të punoj shumë për të qëndruar në Real Madrid gjithë jetën time”, shtoi tutje.

Endricku aktualisht ka kontratë të vlefshme me Los Blancos deri më 30 qershor të vitit 2030.