Reagon gruaja e ish futbollistit: Kam besuar gjithmonë në pafajësinë e tij

Në më pak se një javë, jeta e Joana Sanz ka ndryshuar tërësisht.

Gjithçka vjen pas lirimit nga burgu të bashkëshortit të saj, ish-mbrojtësit të Barcelonës dhe Juventusit, Dani Alves (i akuzuar për një sulm të dyshuar seksual). Në atë moment modelja e njohur njoftoi në rrjetet e saj sociale se ishte në pritje të një vajze.

Në një intervistë për revistën Hola, ajo foli për periudhën e fundit, shumë e komplikuar, për shkak të gjyqit ndaj Dani Alves: “Kam besuar gjithmonë në pafajësinë e tij dhe për këtë arsye kam qëndruar gjithmonë në krah të tij. Presioni mediatik ishte shumë i ashpër”, denoncoi Sanz.

Për vendimin e saj për t’u divorcuar, ajo rrëfeu: “Nuk ishte kurrë një vendim përfundimtar. Doja të kisha një bisedë me të përpara se të merrja ndonjë vendim përfundimtar.

Sapo e pashë, gjatë vizitës së parë, ideja e dëshirës për t’u ndarë u zhduk dhe u bë gatishmëri për të luftuar për t’u shëruar.”