Mediumi boshnjak për skandalin ndaj Kosovës: Mjaft! Vuçiq dha urdhër

Prania e Flamurit të Kosovës krah për krah me 54 shtetet e Evropës në midis të Beogradit, ka çartur serbët.  
Kjo ndodhi gjatë Kongresit të UEFA-s.

“Lajmi se flamuri i Kosovës ishte në Beograd tronditi mbarë kombin serb, madje Federata Serbe e Futbollit u detyrua të kërkonte falje për shqetësimin dhe të thërriste organizatorët për neglizhencën e tyre, shkruan mediiumi boshnjak “Sportsport”.

“Supozohet se urdhri ka ardhur nga lidershipi politik, i udhëhequr nga Aleksandar Vuçiq, por në seancën zyrtare nuk ka pasur flamur të Kosovës.

Përderisa flamujt përkatës u ekspozuan para përfaqësuesve të federatave kombëtare, para delegacionit të Kosovës ishte vetëm logoja e Federatës së Kosovës.

Federata e Futbollit të Kosovës ka bërë të ditur se simbolet e vendit të tyre janë hequr vetëm pas përfundimit të mbledhjes”, shkruan më tej,

“Simbolet e Kosovës në zemër të Beogradit janë gjëja e fundit që i nevojitej Vuçiqit në këtë moment, pasi ai prej kohësh po përballet me një reagim serioz të studentëve.

Tani që flamuri i Kosovës është lejuar të shfaqet në Beograd, shumë e kanë etiketuar regjimin aktual, madje edhe vetë presidentin serb, si tradhtarë në komentet e tyre.

 Mu për këtë arsye, nuk është çudi pse serbët kërkuan të heqin sa më shpejt simbolet e Kosovës dhe në fund ia dolën.
Është interesante se Ademi ka qëndruar deri në fund të seancës”, ka shkruar media boshnjake].