Igli Tare rikthehet si opsion për rolin drejtues te Milan

Te Milani ka ndryshuar gjithçka. Edhe pse u përfol se Fabio Paratici do të ishte drejtori sportiv i ri i klubit nga Milano dhe pritej vetëm zyrtarizimi, gjërat kanë ndryshuar në orët e fundit.

Sipas mediave italiane, Igli Tare është rikthyer përsëri në skenë. Së bashku me shqiptarin, një tjetër opsion është Tony Damico.

Tashmë i mbetet Zlatan Ibrahimovic që të vendosë për drejtorin e ri sportiv.

Kujtojmë se Tare ishte edhe më parë dëshirë e Ibrahimovic, por arsyeja e “ndalimit” të bisedimeve ishte pikërisht Giorgio Furlani, i cili dëshironte një tjetër, pra Fabio Paraticin.

Tashmë, Igli Tare është një opsion konkret për të marrë role drejtuese te Milani. Orët dhe ditët e ardhshme pritet të jenë vendimtare për këtë operacion.