Pesë kandidatët që mund ta zëvendësojnë De Bruynen te City

Manchester City do të përjetojë një ndryshim të ndjeshëm këtë verë, me largimin e Kevin de Bruynes.

Belgu, lojtar kyç në sukseset e Pep Guardiolas, do të largohet për një aventurë të re, duke lënë një vend bosh në mesfushën e Cityt.

Me largimin e tij, bordi i klubit anglez po shqyrton mundësitë e gjetjes së një zëvendësuesi, me pesë kandidatë që e përpilojnë listën e Cityt.

Xavi Simons është një nga opsionet më interesante, i cili si 21-vjeçar te Leipzigu po kalon në formë të jashtëzakonshme. Për të kompletuar marrëveshjen me të, Cityt do t’i kushtonte 70 milionë euro.

Florian Ëirtz është po ashtu një emër i përmendur shumë brenda klubit. Mesfushori gjerman ka qenë një nga figurat kryesore të Bayer Leverkusenit gjatë këtyre dy sezoneve, derisa çmimi i tij në treg shkon deri në 120 milionë euro.

Në Spanjë, City po e monitoron edhe një lojtar tjetër: Fermin Lopezin, talentin e Barcelonës. Si 21-vjeçar, Lopez këtë sezon ka pasur besimin e Hansi Flickut në shumë ndeshje, duke treguar aftësitë e tij në mesfushë.

Nicolo Barella, është një figurë më e rryer dhe më me përvojë që zgjon interesimin e Cityt, teksa edhe lojtari i rivalit, Milanit, Tijjani Reijnders është një nga lojtarët që po konsiderohet nga Manchester City..