Dumfris tërbon zikaltërit

Jo vetëm Bajernin. Denzel Dumfris rrezikon që të humbasë edhe derbin e kthimit në Kupën e Italisë.

Për momentin, hipoteza konkrete është rikthimi i tij në fushën e lojës në fundin e prillit kundër Romës.Por Interi bën mirë që nuk e rrezikon lojtarin. Mbi të gjitha është duke pritur me ankth rikthimin e tij, jo në fushë, por në Milano. Dumfris duhet të rikthehet sa më shpejt, brenda kësaj jave. Drejtuesit janë duke e nxitur që ta bëjë këtë lëvizje, sepse lojtari anësor ndodhet në Holandë.

ÇFARË NDODHI- Drejtuesit janë duke e telefonuar shpesh gjatë këtyre ditëve sepse anësori ndodhet në Holandë prej një jave. Sigurisht që e ka marrë lejen e klubit, por faza e rikuperimit të tij nuk është duke u ndjekur nga Interi.

Krejt e kundërta. Anësori ka vendosur që të ndiqet në këtë fazë rehabilituse nga dëmtimi muskulor nga një fizioterapist që i beson verbërisht. Madje nuk ka asnjë lidhje me kombëtaren holandeze. Për momentin Interi ka qenë spektator dhe vazhdon të jetë, deri në momentin kur do ta shohë lojtarin në qendrën stërvitore. Por çfarë ka ndodhur gjatë kësaj kohe? Koha e rikthimit të tij në fushë është zgjatur në krahasim me parashikimet e para të bëra nga klubi zikaltër. Dumfris u dëmtua në Bergamo në ndeshjen e fundit përpara pauzës për kombëtaret.

Bëri gjithçka të qëndronte në fushë duke mos e bërë situatën shumë alarmante. Vetë Inzagi në atë kohë tha se Dumfris ishte i qetë dhe do të qëndronte në fushën e lojës, por nuk e kuptoi që gjithsesi do ta kisha zëvendësuar. Një ditë më vonë, lojtari shkon në Holandë për të kryer ekzaminimet.

Këtu ndodh një tjetër anomali. Për të bërë ekzaminimet muskulore duhet pritur të paktën 36 orë, në mënyrë që përgjigjja të jetë më e saktë.

Por nga ai referim nisi edhe programi i rikuperimit. Interi dhe Inzagi shpresonin që do ta kishin gati për Bajernin, por pastaj gjërat po shtyheshin. Objektivi u vendos sfida e kthimit me gjermanët, ndërsa tani me lajmet e fundit duhen edhe 20 ditë të tjera.

Interi është duke pritur lojtarin për të kuptuar më mirë se çfarë ka ndodhur. Nuk është hera e parë që në fakt një lojtar e Interit i beson kurimin profesionistëve të tjerë jashtë klubit. Në të shkuarën e ka bërë Lukaku dhe këtë sezon Açerbi. Inzagit nuk i mjafton vetëm Darmiani për këtë moment të sezonit. Zalevski bëhet gati për të luajtur në të djathtë, ose Karlos Augusto. E sigurt është që Denzel Dumfris ka tërbuar zikaltrit, sepse po kalonte një moment të shkëlqyer.