Inzaghi u jep një lajm të mirë

Interi merr frymë lirisht dhe me qetësi përpara ndeshjes me Bayern në Champions League.

Eshtë fjala për një nga lojtarët më të rëndësishëm të ekipit kuqezi, Alessandro Bastoni, i zëvendësuar në ndeshjen e djeshme me Parmën.

Trajneri Simone Inzaghi ka siguruar tifozët dhe gazetarët se qendërmbrojtësi ka dhënë sinjale pozitive për gjendjen e tij fizike. “Nuk ka asgjë për t’u shqetësuar”, tha tekniku i zikaltërve.

Bastoni i është kthyer stërvitjes mjaft shpejt, aktualisht me trajner personal për të qenë 100% gati për ndeshjen më të rëndësishme të sezonit, atë kundër bavarezëve.

Ndeshja e parë luhet në “Allianz Arena”, ku mbrojtja për Interin do të jetë shumë e rëndësishme për të mos e nisur keq. Bastoni duket gati dhe kjo i ka qetësuar të gjithë në Milano.