PSG i reagon ashpër Mbappes

PSG nuk ka hezituar të reagojë ndaj lëvizjes së avokatëve të Kylian Mbappe, të cilët mbajtën një konferencë për shtyp sot në një hotel në qendër të Parisit, duke shpjeguar masat ligjore që planifikojnë të marrin për shkak të refuzimit të PSG-së për të paguar 55 milionë euro, sipas kontratës së tij të fundit, shkruan Marca. 

Klubi, megjithatë, nuk e kupton pse, pavarësisht hapave të ndërmarrë, ende nuk e kanë dorëzuar kërkesën në gjykatën kompetente në Francë për zgjidhjen e kontestit të punës.  

“Pas një historie tjetër të sajuar, PSG ende nuk e kupton pse Kylian Mbappé nuk ia referoi mosmarrëveshjen e tij me ish-klubin e tij në Conseil des Prud’hommes, e vetmja gjykatë kompetente për të vendosur mbi këtë çështje”. 

Klubi kritikon edhe qëndrimin e avokatëve të Mbappes, të cilët pretendojnë se ka kaluar më shumë se një vit nga ngritja e padisë për të gjitha këto masa, pasi Kylian nuk është një punonjës i zakonshëm.  

“Avokatët e tij pretendojnë se kjo është për shkak se ai nuk është një punonjës si çdo tjetër”. 

“PSG-ja, përkundrazi, e konsideron atë si një punonjës si çdo tjetër dhe se duhet të respektojë premtimet e qarta dhe të përsëritura, publike dhe private, që i ka bërë punëdhënësit të tij, pavarësisht se për shtatë vite në Paris ai gëzoi përfitimet e paprecedentë që i dha klubi”. 

“Në thelb, është çështje e mirëbesimit, ndershmërisë dhe besnikërisë, por edhe respektimi i vlerave dhe vlerësimit të institucionit parisian dhe tifozëve të tij”, shtoi klubi, duke këmbëngulur se ata do të mbrojnë pozicionin e tyre para organit që e konsiderojnë kompetent kur lojtari të vendosë të shkojë në gjykatë. 

“Të gjitha masat e shpallura nga avokatët e Kylian Mbappé vetëm vonojnë zgjidhjen e mosmarrëveshjes para Gjykatës së Punës, para së cilës PSG është e gatshme të paraqesë të gjitha faktet, provat dhe dëshmitë që tregojnë ekzistencën e një kontrate ose, më mirë akoma, përmes një marrëveshjeje kolektive që PSG kërkon prej më shumë se një viti”. 

PSG janë të hapur për një zgjidhje miqësore me ish lojtarin e tyre. 

“Klubi ripohon gatishmërinë e tij për të arritur një zgjidhje miqësore, siç ka qenë gjithmonë e përkushtuar, pavarësisht shfaqjeve të përsëritura të keqbesimi dhe refuzimit të lojtarit për të pranuar çdo ndërmjetësim. Ndërkohë, ne jemi plotësisht të fokusuar në suksesin sportiv dhe kulturor të klubit tonë të madh”, këmbëngulën burimet e PSG./