Tomori “bekon” linjën me tre: Të gjithë ishim më komodë

Fikajo Tomori, i rikthyer në fushë pas shumë ndeshjeve që kishte përfunduar si zgjedhje e fundit për prapavijën, ka analizuar ndeshjen kundër Udinezes përpara mikrofonave të rrjetit “DAZN”.

Në fjalën e tij, duke folur për mbrojtjen me tre që Milani testoi dje, anglezi u shpreh:

“E dinim që në ndeshjet e fundit nuk e kishim nisur mirë dhe pësonim shumë gola, ndaj edhe trajneri tentoi këtë ndryshim skeme. Sot u përpoqëm të mos vuajmë dhe gjithashtu të lëndojmë kundërshtarët tanë.

Sidoqoftë, për mua nuk ka rëndësi sistemi, por qëndrimi që kemi kur zbresim në fushë”.

Më pas, vëmendja u zhvendos në interpretimin që ai i bën rolit të ri.

“Personalisht, mund të tregohem më agresiv në lojën time kur luajmë kështu sepse kam edhe dy shokë pranë gjithmonë. Edhe si repart mund të mbulojmë më mirë fushën e të jemi më kontrollues ndaj lëvizjeve të rivalëve”, përfundoi Tomori.