Zelensky: Rusia refuzon haptazi armëpushimin, në Moskë nuk kanë frikë

Presidenti ukrainas Volodymyr Zelensky ka deklaruar se Rusia po “refuzon haptazi armëpushimin” dhe se në Moskë “nuk kanë frikë”.

Në një video-mesazh të publikuar në rrjetin social X, Zelensky theksoi se presidenti rus Vladimir Putin “mbetet i fokusuar në vazhdimin e luftës”, ndërsa propagandistët shtetërorë rusë “po përgatisin audiencën e tyre për idenë se diplomacia nuk do të sjellë asnjë rezultat”.

“Ka vetëm një arsye për këtë – në Moskë, ata nuk kanë frikë. Nëse nuk ka presion të mjaftueshëm ndaj Rusisë, ata do të vazhdojnë të bëjnë atë që janë mësuar – do të vazhdojnë të bëjnë luftë”, u shpreh presidenti ukrainas.

Ai e përfundoi adresimin e tij me thirrjen për paqe: “Ne të gjithë duam që kjo të përfundojë. Paqja është e nevojshme – dhe ajo duhet të jetë e qëndrueshme”.