Galatasaray u takua me babanë e Granit Xhakës javën e kaluar?

Skuadra nga Superliga e Turqisë, Galatasaray, është në kërkim të një mesfushori me përvojë dhe tashmë “grepin” e kanë gjuajtur te Granit Xhaka.

Siç raporton “HT Spor”, skuadra e Galata-s ka zhvilluar një takim me menaxherin dhe babain e Granit Xhakës.

Takimi është zhvilluar në Stamboll dhe është diskutuar rreth një kalimi të mundshëm të Xhakës në Galatasaray.

Skuadra turke në rast se shpallet kampion, sezonin e ardhshëm pritet të bëjë gara në Ligën e Kampionëve, andaj një mesfushor si Granit Xhaka do i kryente punë.

Por, Xhaka ka kontratë me Bayer Leverkusenin deri në vitin 2028 dhe vështirë se do largohet nga “BayArena”.